வானவில் வண்ணத்தில் காட்சியளிக்கும் கொதிக்கும் நீருற்று..!

 வானவில் வண்ணத்தில் காட்சியளிக்கும் கொதிக்கும் நீருற்று..!

🌈 இந்த உலகில் நம் கண்களுக்கு அழகாக காட்சியளிக்கும் அதிசயங்கள் நமக்கு ஆச்சரியப்படுத்தும் விதத்தில் அமைந்திருக்கும். ஆனால் அவை எப்படி உருவாகிறது என்பது நமக்கு தெரிவதில்லை. அந்த அழகாக இருக்கும் அதிசயங்களும் ஆபத்தை ஏற்படுத்தும்.

🌈 மழைக்காலங்களில் வானில் தோன்றும் வானவில்லைப் பார்த்து நாம் ரசித்தது உண்டு. அதன் வண்ணத்தைப் பார்க்கும்போது நம் கண்களை கவர்ந்திழுக்கும்.

🌈 நீருற்றுகள் பொதுவாக குளிர்ச்சியாகவும், அதிலுள்ள தண்ணீர்கள் நீலநிறத்தில்தான் காட்சியளிக்கும் என்பது நமக்கு தெரிந்த விஷயம்தான்.

🌈 ஆனால் இந்த நீருற்றில் உள்ள தண்ணீர் கொதிக்கும் என்று சொன்னால் உங்களால் நம்ப முடிகிறதா? ஆம் உண்மைதான். இந்த அதிசயமான நீருற்றில் வானவில் நிறத்தில் தண்ணீர் காட்சியளிப்பதை பற்றி இன்று நாம் தெரிந்து கொள்ளப்போகிறோம்.

எங்கே அமைந்துள்ளது?

🌈 இந்த மிகப்பெரிய வெப்ப நீருற்று அமெரிக்காவின் எல்லோ ஸ்டோன் தேசிய பூங்காவில் (Yellowstone National Park) கிராண்ட் பிரிஸ்மாடிக் (Grand Prismatic) என்ற இடத்தில் அமைந்துள்ளது.

🌈 இந்த நீருற்றை கொதிக்கும் வெப்ப நீருற்று என்று கூட சொல்லலாம். ஏனென்றால், அவை எப்போதும் அதிகமான வெப்பத்தைக் கொண்டிருக்கும்.

🌈 சுற்றுலாப் பயணிகள் இந்த இடத்தை காண்பதற்கு ஆர்வமாகச் செல்கின்றனர். இந்தப் பகுதி ஓர் அரிதான இடமாகவும் விளங்குகிறது.


🌈 இதனை சுற்றியுள்ள இடங்கள் வானவில் நிறத்தை பிரதிபலிக்கும்படி நமக்கு அழகாக காட்சியளிக்கும். நீலம், ஆரஞ்சு, சிவப்பு, பச்சை மற்றும் மஞ்சள் என்ற நிறங்களில் வண்ணமயமாக நமக்கு தோற்றமளிக்கும்.

🌈 வெப்ப நீருற்றை சுற்றியுள்ள நிலப்பகுதி ஆரஞ்சு, சிவப்பு மற்றும் பச்சை நிறங்களிலும், நீர்ப்பரப்பின் நடுப்பகுதி அடர் நீலநிறத்தில் காணப்படும்.

🌈 கோடை மற்றும் குளிர்காலங்களின் தட்பவெப்ப நிலையைப் பொறுத்து நீருற்றின் நிறம் மாறுதல் அடையும். அதிக மேகமூட்டமில்லாத நிலையிலும் இவை வண்ணமயமாக காட்சியளிக்கும்.

🌈 இவை தொடர்ச்சியாக நீரை வெளியேற்றிக் கொண்டிருக்கும்.

🌈 சுற்றுலாப் பயணிகள் இந்த நீருற்றைப் பாதுகாப்பாக கண்டுகளிக்க குறிப்பிட்ட இடைவெளியில் வேலிகள் அமைக்கப்பட்டுள்ளன.

🌈 இவை மக்களால் விரும்பக்கூடிய அழகான வெப்ப நீருற்றாகவும் இருக்கிறது.

வெப்ப நீருற்று உருவான விதம் :

🌈 பூமியின் அடியில் நிலவும் வெப்பத்தின் காரணமாக இந்த அரிதான வெப்ப நீருற்றுகள் உருவாகின்றன. இந்த வெப்ப நீருற்றுகள் சில மக்கள் பயன்படுத்தும் வகையில் அழகாக இருக்கும். உயர் வெப்பத்தினால் இந்த நீருற்று உயிருக்கு ஆபத்தை ஏற்படுத்தும் வகையில் அமைந்திருக்கிறது.